ListOpatija 208 - page 39

Piše
Dražen Turina
Tu-du-du-du-
du-du-du-du
B
lažena recesija. Znate
ono kad je bila recesija
pred par let? Kako se ne
razumen va ekonomiju
nekako san imel više šoldi, ili
baren isto kot i sada, a čini mi
se da je tako bilo i pul drugeh
(baren pul nas tuka na Kvar-
nere i va Istre), mladi su manje
hodili delat vanka i bil je božji
mir. Sada je pak taj vrajži BDP
počel hodit zgorun, povedel bin
van jušto ča to znači ma ni ne
znan, al’ batice govore da to po-
kažuje kako imamo više šoldi
ako ‘re zgorun, a ako ‘re zdolun
onputa manje. No kada su šoldi
i banke po srede onda dva i dva
nisu četiri nego za su tri za vas,
a za banki šest, ako ne i sedan,
al’ to ionako znate pa pustimo
sada, kako bi rekli oni na tele-
vizije, “stručne analize”, inšo-
ma taj BDP ‘re zgorun i sada je
se boje. Puno je više dela i fali
puno delavci, malo plaču ovi ča
neće delat za dve, tri tisuće kun,
al’ ne more saki bit ministar! Ča
je s temi judi današnji dan?
No, kako ča san rekal je-
dino ča je va toj recesije bil
božji mir, kemu se sada veselin
jedino za Božić, ako ga bude i
onputa. Morda, ma ne morda,
sigurno, sto posto znan da san
štufan, al’ ovo zidanje i nabija-
nje, i bageri i kamioni i ti apar-
tmani i rovinevanje šumi (ča mi
posebe gre na živci) ne moren
drugačije opisat nego z be-
sedami od moje Zorice kad je
bila jako jadna: “Jeben ti kolo
i voz!”.
Mi va srede naše kući ima-
mo jenu velu grotu aš ju bizno-
nić ni mogal razbit koliko je
trda i velika. Barba ki je storil
kuću do starine, kad ju je delal
je zminal par grot i to je to. Bil
san š njin onputa kot otrok. Z
bušilicun storiš škuju va stene
pa staviš nutra štapin dinamita
(ja san se vokole igral kako da
smo mi partizani i rušimo mo-
sti da ne pridu Nemci, sad mi je
Nemac prvi sused) i onputa se
to moraš s pralicun i kranpun
“razmontirat”.
Danaska pak z ovemi bakeri
moru kako reču “zpiketat” celi
breh od kamika, vrajža kurjera
ka ih je pripejala, njih i te njiho-
ve makini! Mlate i tuču po celi
dani, kako po stene tako i nami
po živceh. Nisan toliko star, za-
sen ča malo san, al’ razjadi to i
puno mlajega čoveka. Tu-du-du-
du-du-du-du-du-du pa pet, šest
sekundi pauzi pa opeta tu-du-
du-du-du-du-du-du po celi božji
dani, a videl san da delaju i po
nedejah samo bez nabijanja. I
se to samo da bude na brzinu
finjeno za leto. Pokle to počne
smrdet na umidancu i meltu
kad se počne sušit kako rabi.
Pokle trebe se to još i renovirat
za par let i tako. Moj sused Ne-
mac od seh našeh domaćeh be-
sed prvo je navadil reć – mufa.
Ča to ni smešno?
A smešno je i ovo, povede-
li su mi judi ki tamo delaju, da
su va jenen na novo storenen
opatijsken hotele furešti hodili
počivat vanka na andit (va hod-
nik, ki ne zna besedu), aš kako
se melta sušila ni bilo za bit va
kamarah od teh isparavanji. I
tako, ti bageri nan nabijajaju
po živceh, delaju se iskopi po
miljon kun, rovinuju se šumi i
onda kad to pokle stoji prazno
ili još boje nefinjeno kako nećeš
bit vesel? To je tako opatijski. I
apartmanizacija i veselit se kad
nekemu ne gre. Jedini problem
je ča ovisti ča zidaju tuka dosti
peru soldi, aš da se se to dela
preko krediti - Konzum bi prema
Opatije bil Diznilend.
Ekola, dok ovo pišen sada,
ovaj minut oko mene nabijaju
na četire bande. Zapiraju cesti,
zimaju si sakakova prava i sva-
de se z judi. A tako van je to.
No da se ne bi bilo grdo, jena
lepa za kraj: gren ja neki dan neš
na Punta Kolovu i čovek tamo
na ceste z velen kamijonun nan
govori: “Ne možete proći još dva
sata. Iskrcavamo material!”. Mi
va familije najviše volimo takove
situacije. Zajeno san šal vanka z
auta i (a jako san dobar va ten)
čoveku san se zdelil (znan ja da
on ni kriv) al’ to se tako dela pul
nas! Inšoma, zdelil san mu za se
bespravne gradnje od 1994. leta
(i za otok Vir, ne samo Opatiju),
zdelil san mu za si mladi ki su
sada zidari va Irskoj, zdelil san
mu se za gazdu (čigovo ime je
na vrateh od kamiona), va pod
san ga zatukal z besedami! On-
puta san mu dal da neš reče va
svoju obranu, deset sekundi ne
više (toliko njin pustin dok ne
zmislin ča ću daje zijat), a on
mi govori da je pripejal materi-
al za novi opatijski vrtić. Pokle
san mu se skuževal i na dugo
povedal zač san ga napal i kako
nan je teško va Opatije pofin teh
gradnji, posebe “nama u zaleđu”.
I tako. Zabavil san ga dve ure
dok mu nisu skrcali kamion. Sad
smo prijatelji i na Fejsbuke.
Za kraj semi želin se najbo-
je za blagdani ki prihajaju i da
njin lepo pasaju i se najboje va
2018. lete. Boh van dal zdravja.
1...,29,30,31,32,33,34,35,36,37,38 40
Powered by FlippingBook